Otappa kuppi kätheen ja lueskele. Vielä ei ole kovin paljon juttuja, mutta kyllä niitä varhmaan vielä tullee. Tässä julkasthaan mietheitä, tarinoita ja mitä vain, joka ei mitenkhään loukkaa kethään ja on muutenki sääyillistä. Nuotiola nokipannun eessä puhuthaan kyllä vaikka mitä, mutta met "virtuaalinokipannun" ylläpiossa emmä ole kovinkhaan hävyttömälä päälä. Erävitsit on kuiteski hyviä ja kaikki muukki jutut mikkä kohistuu eränkäynthiin, seuratoiminthaan tai muuhun, mikä nyt vähänki haiskahtaa mettäle tai ulvole.

Juttuja, vitsiä, vakavaa asiaa tms. voipii lähettää Pelimannin Matile, joka laittaa net sitten nethiin. Sähköosote on vojakkalanera.matti@gmail.com. Kirjottajala on hyä olla joku nimimerkki tai vaikka nimiki, joka panhaan sitte kirjotukseen fölhjyyn ensteksi otsikhoon. Julkasema enshäässä jäsenien ja mettän omistajien juttuja, toisten häätyy vähän aikaa oottaa. Sovithaanko, että hyät, hauskat ja asialiset kirjotukset saapii olla vaikka kokoajan esilä, jos skriivaaja ei niitä poies halvaa.

Ei muutako kirjothaan...

RIISTAKOLMIO HEINÄKUUSSA 2013: "Riistalaskentaa sääskiaikhaan" PEIJAISHIRVIIJAHTI 2012: "Saisko kahen hirven verran käsityslihhaa peijaissiin?" RIISTAKOLMIO ELOKUUSSA 2012: "Vieläkös jalka nousee?" LASTENTAPAHTUMA: "Kaikki lähtee siitä, että... AUTIOTALON ASUKIT: "Nämät huonossa maihneessa olevat itä-aasialaiset..." RIISTAKOLMIO ELOKUUSSA 2011: "...ja hyvinhän se meni" RIISTAKOLMIOTA YRITETHIIN: "...klapitalkoiksihan se meni" LUE LUOLAKOIRAMETSÄSTYKSESTÄ VOJAKKALASSA: "Eikös rouvalla muuta tekemistä ole..." KUMMALLISET SARVET: Ei ollu tämä hirvi jaksanut... Kiitos kahveista, miepä lähen poies!

No tulipa tuossa miehleen yks huono hirvivuosi, ko pyyethiin yhtä hirveä koko syksy ja alkutalvi! Lumen seassa met suksila rämmithiin ja pyytämättähän se jäi. Soli kyllä tuola Kalevalan Lemminkäiseläki vieläkin kurjempaa, mutta sillä net olit kuiteski isomat panokset, ko oli vaimoista kyse. Meiltä net olis kyllä jääny vaimot saamatta, jos hirvi olis pitäny hiihtää?

-nokipannu-