Soli tuola Honkamaassa riistanlaskenta 11.8.2011.
Paikale ilmaantu 13 seuran jäsentä elikkä seuraavat erämiehet:
Raimo Fräki (vetäjä)Met kävelimä ja laskima riistakomion sivut ja kyllä niitä lintuja ja muutaki löyty. Ainaski 8 mettoa ja 7 riekkoa ja 3 jänistä ja 4 teertä, elikkä paras tulos monhhiin vuossiin. Ja lämmitimä met saunanki ja porisima niitä näitä.
Eero Maalismaa
Risto Kangas
Jari Kangas
Veli-Matti Pelimanni
Hannu Lassila
Matti Isto
Heikki Heikkilä
Niilo Kapraali
Kari Saloniemi
Aleksanteri Saloniemi
Tuomas Pelimanni
Risto Esko
"Kolmiopäälikkö" Raimo kiittää kaikkia paikale tulheita!
No minkäslainen on riistakolmio?
Kolmionhan kaikki suurinpiirthein tietää, että minkälainen soon. Kolmiossa on kolme nurkkaa ja ko on kerta kyse tasasivusesta kolmiosta, niin sen kaikki kyljet on sitten yhtä pitkiä ja nuo kolmion kulmat, net on kaikki 60 astetta.
Riistakolmiossa yhen sivun pittuus on 4 kilometriä. Tuossa kuvassa vasemala on tuon riistakolmion piirosmalli. Tuomonen kuvio piirethään sitten karthaan ilman elukoita ja tietenki oikeassa mittakaavassa. Kolmio on vuesta toisseen samassa paikassa, niinkö meiläki Vojakkalan Erässä tuola Honkamaassa, että vertailupohja olis aina sama.
Sitten tärkeä juttu: Tuo laskenta on kyllä hyä suorittaa joka vuosi kesälä ja talvela ko sen tulokset vaikuttaa "kruunun" ja muittenki tekehmiin rauhotuspäätöksiin.
No mites se laskenta sitten tehhään?
Noh, met etenemä karthaan piirettyä kolmion kylkiviivaa pitkin kolmen miehen/naisen tasasena rintamana. Keskimäinen kulkija (joka suunistaa) mennee justiisa kartan viivaa pitkin ja sivula olevat erämiehet 20 metrin päässä keskimiehestä. Linnut laskethaan sitten 10 metriä kummaltaki puolen kulkulinjaa elikkä 60 metriä leveä kaistale tullee sitten laskettua. Jos tuota ettäisyyttä ei saaha piettyä kohihlaan, häätyy kuiteski kattoa lähteekö lintu tuon 60 metrin pääkaistahleen sisäpuolelta. Jos näkkee linnun kaistan ulkopuolela, häätyy seki kirjat ylös, mutta merkintä panhaan eri paikhaan. Kulku saapii olla aika ripeää ainaski harvassa mettässä ko sielä näkkee linnut kauempaaki ja että net ei kerkeäis juosta sivule. Vauhtia voipii sitten heiväta ko on taajempaa.
Solis kyllä vielä hyä, jos keskimies olis semmonen, jolla on geepeeässä, että mentäs oikeaaa linjaa.
Ja mitäs sitte pittää laskea?Kesälä ainaski metto, teeri, pyy, riekko, lehtokurppa ja mettäjänis. Muutaki riistaa voipii laskea, muttei ole pakko, eikä nitä loppupelissä noteeratakhaan, mutta net on hyviä porina-aihheita.. Jos näkkee karhun tai sen jälkiä, jätöksiä taikka raapimisia, niin net häätyy panna kans ylös..
Mites net merkinnät sitte tehhään?Näköhavannot kirjathaan kahteen ryhmään pääkaistala ja pääkaistan ulkopuolela. Kartahhaan merkithään sitte havanto. Havannoissa käytethään juoksevaa numerointia. Naahraat, koihraat ja poikaset (poikuhheet) merkithään erikseen tai jos ei kerjeny näkheen sukupuolta, niin merkithään seki ylös. Kannattaa merkitä mahollisimman tarkoin eriteltynä, että "kymppi" (elikkä Raimo) pystyy sitten puhtaaksiskriivausvaihheessa tekheen oikeat merkinnät
Entäs se keli, minkhäänlainen sen pitäs olla?Soon sillalaila, että tuon kelin kanssa joutuu monesti taistelheen ko ei sais olla liian koleaa, eikä liian kuumaa. Niin ikhään ei sais olla kauhean kova sae, eikä kauhean kova tuuli. No nuo ääripään ilmat ko net tahtoo monesti olla semmosia nykysin. Paras olis kuiteeski "sopiva" ilma.
Tietolähe:RKTL:n riistakolmion ohjeetKato kans: SUOMEN RIISTAKESKUS (ent. MKJ) riistakolmiosta
Alla muutama kuva tapahtumasta. Klikkaamalla hiirelä saat sen näkyhmään isompana.
Noh, eipä muuta tällä kertaa.
-nokipannu-